У аўторак у Беларусі чакаецца да 27 градусаў цяпла

У аўторак, 9 красавіка, у Беларусі будзе пераважна без ападкаў. Невялікія дажджы магчымыя толькі ўначы і раніцай на поўначы нашай краіны. Сіноптыкі папярэджваюць пра слабы туман у асобных раёнах.

У начныя гадзіны тэмпература паветра складзе ад +8 да +14 градусаў (у Мінску — 10-12 цяпла), у дзённыя гадзіны — ад +21 да +27 (у сталіцы — ад +24 да +26).

Падобныя ўмовы надвор'я захаваюцца і ў сераду. Аднак у чацвер пахаладае і ўдзень будзе не больш за 18 градусаў цяпла.