Тры чалавекі памерлі за суткі ў Беларусі ад каранавіруса, цяпер іх 45

18 красавіка колькасць пацверджаных выпадкаў захворвання COVID-19 у Беларусі павінна было перавысіць 5 тысяч.

Аднак Міністэрства аховы здароўя зноў памяняла параметры, па якіх выдае статыстыку. Нам "забыліся" паведаміць, колькі пацыентаў з пацверджаным каранавірусам лечацца дома. У выніку агульную колькасць вылічыць немагчыма.

Што можна сказаць: +3 смерці за дзень, цяпер іх 45 чалавек і 113 ачунялых пацыентаў, усяго іх 458.

Усяго праведзена больш за 92 тысячы тэстаў на каранавірусную інфекцыю. Задзейнічаны 25 лабараторый.

На стацыянарным лячэнні знаходзіцца 3282 чалавека. У дачыненні да 510 праводзіцца ўдакладняючая дыягностыка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.