Вы тут

Таджыкскія вайскоўцы адкрылі агонь па жылых дамах у Кыргызстане

На мяжы дзвюх краін — каля 70 спрэчных участкаў​/ kabar.kg

Таджыкскія вайскоўцы адкрылі агонь па жылых дамах кыргызстанцаў у мясцовасці Арка Лейлекскага раёна, які знаходзіцца на мяжы з Кыргызстана і Таджыкістана. Пра гэта раніцай 1 траўня паведамілі ў кыргызстанскай памежнай службе.

Жыхары вёскі, па якой вёўся агонь, раней былі эвакуяваныя.

У цэлым сітуацыю на мяжы дзвюх краін у Бішкеку ацэньваюць як напружаную.

Акрамя таго, раніцай у суботу вайскоўцы Таджыкістана перакрылі адну з дарог на мяжы. Кыргызстанскія памежнікі занялі абарончыя пазіцыі.

Паводле апошніх звестак, за некалькі дзён канфлікту паміж Кыргызстанам і Таджыкістанам загінуў 31 кыргызстанец, пацярпелі 154. З боку Таджыкістана загінулі 10 і параненыя 110 жыхароў.

Абедзве краіны ўваходзяць у Арганізацыю дамовы аб калектыўнай бяспецы, аднак АДКБ пакуль не прымае сур'ёзных мер для вырашэння канфлікту.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.