Стала вядома пра яшчэ адну смерць пацыента з каранавірусам у Мінску
Яшчэ адзін пацыент з каранавірусам памёр у Мінску. Пра гэта ў сацсетках паведамілі яго блізкія. Па іх звестках, смерць наступіла 3 красавіка ў 17:30.
60-гадовы мужчына 17 сакавіка быў шпіталізаваны ў 3-ю гарадскую лякарню, адкуль яго перавялі ў інфекцыйны шпіталь. Там ён з 23 сакавіка знаходзіўся на апараце штучнай вентыляцыі лёгкіх.
27 сакавіка сваякам паведамілі, што тэст на каранавірус у мужчыны даў станоўчы вынік.
Акрамя мужчыны каранавірус пацвердзіўся ў яго сястры.
Паводле афіцыйнай статыстыкі Мінздароўя, па стане на раніцу 3 красавіка памерлі чатыры чалавекі з каранавірусам.
Па афіцыйнай статыстыцы Міністэрства аховы здароўя, на 8:00 3 красавіка ў Беларусі памерлі чатыры чалавекі з каранавірусам. Яшчэ ўдзень 3 красавіка Аляксандр Лукашэнка распавядаў журналістам, што на вентыляцыі лёгкіх у Беларусі знаходзяцца 16 чалавек, "і то яны не праблемныя".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
