Спявак Дзмітрый Калдун забаўляе расіян на скандальным круізным лайнеры
У Батумі блакуюць выхад пасажыраў з лайнера на пірс / t.me/nlevshitstelegram/
На скандальным круізным лайнеры Astoria Grande расійскіх турыстаў забаўляе спявак Дзмітрый Калдун. Колішні ўдзельнік "Еўрабачання" ад Беларусі чамусьці не бачыць у гэтым нічога ганебнага (як і ў выступе ў "ДНР"). На лайнеры ён разбіў галаву, яму накладалі швы.
Прыход Astoria Grande ў Батумі па дарозе з Сочы ў Турцыю днямі выклікаў там пратэсты. Чарговае яго з'яўленне сотні жыхароў Батумі зноў сустрэлі акцыяй пратэсту. Выхад пасажыраў на пірс быў заблакаваны.
Заходзіць у Батумі Astoria Grande больш не будзе.
