Сілавікі зладзілі ператрус у мінскай кватэры Паўла Марыніча
Павел Марыніч / Наша Ніва
Сілавікі зладзілі ператрус у мінскай кватэры кіраўніка Malanka Media і платформы ZUBR Паўла Марыніча, паведамляе тг- канал "Маланка".
Павел прапісаны ў гэтай кватэры, але пражывае там ягоны родны брат з сям'ёй. "У Мінску я не жыву з 2010 года і ў Беларусі ўвесь гэты час не быў. Пакуль я не ведаю, што яны там шукаюць, проста ствараюць "конскі тупат", а можа, чарговую крымінальную справу ўжо сфальсіфікавалі", — пракаментаваў Марыніч.
Днямі яму прысудзілі завочна чатыры гады калоніі, абвінаваціўшы ў спробе зрыву канстытуцыйнага рэферэндуму ў 2022 годзе.
