Што прывяло да вайны ва Украіне? Антрапалогія рускага нацызму ад Сяргея Чалага

Вайна, якую Расія развязала ва Украіне, пераходзіць у новую стадыю. Адны аналітыкі называюць Украіну новым Афганістанам, іншыя — новым Ізраілем. Усе спрабуюць намацаць контуры новага раскладу сіл у Еўропе.

Але гэта немагчыма без асэнсавання прычын, якія прывялі Расію да таго, каб пачаць вайну. І мы тут не пра міфічную неабходнасць некага "дэнацыфікаваць" (версія Пуціна) ці нанесці прэвентыўны ўдар (версія Лукашэнкі, якая стала мемам). Ці можна будзе яшчэ калі-небудзь бяспечна адчуваць сябе побач з Расіяй у тым геапалітычным фармаце, у якім яна існуе цяпер? І дзе месца Беларусі ў гэтым дзіўным новым свеце? Абмяркоўваем усё гэта з незалежным аналітыкам Сяргеем Чалым.