Сайт спартовай газеты "Прессбол" узламаны
Так выглядаў сайт "Прессбола" пасля ўзлому / t.me/cpartisans
Сайт спартовай газеты "Прессбол" узламаны. На ім з'явіліся выявы з нацыянальнай бел-чырвона-белай сімволікай і лозунгі — напрыклад, "За свабодную прэсу і вольную Беларусь".
Адказнасць за ўзлом на сябе ўзялі "Кіберпартызаны".
Цяпер сайт не адчыняецца.
"Прессбол" — адно з вядучых беларускіх спартовых выданняў. У 2020 годзе газета апублікавала адкрыты ліст спартоўцаў за сумленныя выбары і супраць гвалту сілавікоў. Пад канец таго ж года ў выдання змяніўся галоўны рэдактар — ім стаў былы карэспандэнт тэлеканала АНТ Сяргей Лісічкін. Некаторыя супрацоўнікі пакінулі "Прессбол" на знак пратэсту супраць "захопу выдання".
