Сабаленка прызналася, што думала развітацца з тэнісам
Арына Сабаленка прызналася, што думала развітацца з тэнісам. У яе ў сацсетках пра гэта пацікавіўся адзін з падпісчыкаў. "У гэтым годзе задумвалася, але потым адумалася", — напісала Сабаленка.
Арыне Сабаленка 24 гады. Яе найлепшае дасягненне — другое месца ў 2021-м у сусветным рэйтынгу. Цяпер яна шостая ракетка свету. У беларускай тэнісісткі сёлета атрымліваецца не самы лепшы сезон, таму не дзіўна, што яе наведвалі думкі пра спыненне кар'еры.
