Пракуратура не пачне крымінальную справу за крадзеж пашпарта
Такі адказ атрымаў праваабаронца Алег Воўчак ад пракурора Цэнтральнага раёна Мінска.
У каментары "Беларускаму партызану" праваабаронца паведаміў, што пракурор не знайшоў "аб'ектыўных прычынаў, што пашпарт быў выкрадзены".
Нагадаем, што 27 студзеня міліцыя затрымала Воўчака, абвінаваціўшы ў нецэнзурнай лаянцы. Суд прызнаў яго вінаватым і асудзіў на 4 сутак арышту. Па словах Воўчака, падчас яго "адседкі" з кватэры знік пашпарт. Праваабаронца адзначае, што міліцыянты пры затрыманні забралі ў яго ключы ад кватэры.
Фота — nv-online.info
