Мінюст Літвы: Беларусь звярталася наўпрост у банкі
Беларускі бок запытваў інфармацыю пра рахункі непасрэдна ў банках, а Міністэрства юстыцыі толькі правярала гэтыя запыты на законнасць.
Пра гэта заявіў на сённяшняй прэс-канферэнцыі ў Вільні літоўскі віцэ-міністр юстыцыі Томас Вайткявічус. Ён адзначыў, што банкіры мелі права адмовіць беларускім уладам у такой інфармацыі, але не зрабілі гэтага, перадае DELFI.
Гэта абсалютна стандартная працэдура і Мінюст Літвы не быў гатовы да такога развіцця падзеяў.
“Ведаеце, мы, у адрозненне ад беларусаў, жывем у свабоднай дзяржаве”, — заявіў віцэ-міністр.
