Брэсцкая мытня пералічыла ў бюджэт амаль 2 трлн. рублёў
Гэта ўдвая болей, чым летась.
Як паведамляе прэс-служба Брэсцкай мытні, каля 50% у структуры даходаў складае падатак на даданую вартасць. Мытныя плацяжы, спагнаныя з фізічных асоб пры перамяшчэнні тавараў для асабістага карыстання, перавысілі 350 млрд. рублёў. Прыбыткі ад рэалізацыі канфіскаваных тавараў склалі звыш 10 млрд. рублёў. Такім чынам, на 1 рубель выдаткаў на ўтрыманне мытні атрымана 23 рубля прыбыткаў.
У 2011 годзе выдадзена звыш 25 тысяч мытных дазволаў на перамяшчэнне тавараў пад мытным кантролем, з якіх звыш 50% — на расійскі транзіт.
Супрацоўнікамі мытні пры правядзенні аперацый мытнага кантролю і спецыяльных мерапрыемстваў у 2011 годзе выяўлена звыш 5 тысяч адміністрацыйных правапарушэнняў, а таксама 10 крымінальных спраў. Характэрныя парушэнні заканадаўства — спробы ўвозу тавараў па дакументах, якія змяшчаюць недакладныя звесткі, недэклараванне тавараў, якія падлягаюць дэклараванню.