БХК заклікае паручацца за Бяляцкага
З такой ініцыятывай выступілі Алег Гулак і Гары Паганяйла. Яны ўжо паручыліся за праваабаронцу.
Прадстаўнікі БХК патрабуюць вызвалення Бяляцкага з-пад варты і прымянення іншай меры стрымання – асабістага паручальніцтва, паведамляе “Радыё Свабода”. Паручальніцтвы трэба накіроўваць у аддзел папярэдняга расследвання дэпартамента фінансавых расследванняў па Мінскай вобласці і Мінску.
Юрыст Гары Паганяйла, лічыць, што трымаць за кратамі за даўгі перад дзяржавай недапушчальна. Даваць тлумачэнні па сваёй справе Алесь Бяляцкі зможа і знаходзячыся на свабодзе.
