Баранавіцкія злодзеі скралі 22 каналізацыйныя люкі
Такі буйны крадзеж двое беспрацоўных ажыццявілі ўсяго за адну ноч. Нанесеная зламыснікамі шкода ацэньваецца ў болей за 22 мільёны рублёў.
Як паведамляе прэс-служба міліцыі Брэсцкай вобласці, ад “аперацыі чыгун” пацярпелі арганізацыі “Вадаканал”, “Баранавіцкі РУЭС” і “Баранавіцкая дыстанцыя грамадзянскіх збудаванняў”.
Праваахоўнікі выявілі зламыснікаў і вярнулі скрадзеныя люкі гаспадарам. Следчы камітэт распачаў крымінальную справу.