АГП разглядае пытанне пра байкот выбараў
15 верасня партыя праводзіць другую сесію “байкотнага” з’езду. Такое ж самае мерапрыемства сёння ладзіць і Партыя БНФ.
28 ліпеня на першай сесіі з’езду Аб’яднанай грамадзянскай партыі яго дэлегаты вылучылі 57 так званых спікераў Палаты прадстаўнікоў — кандыдатаў на дэпутацкія крэслы.
Сярод іх былы старшыня праўлення Нацыянальнага банку Станіслаў Багданкевіч, падпалкоўнік міліцыі ў адстаўцы Мікалай Казлоў, дэпутат Вярхоўнага савету XIII склікання Марат Афанасьеў і кінарэжысэр Юры Хашчавацкі.
Дэлегаты другой сесіі з’езду збіраюцца заявіць, што здымаюць свае кандыдатуры. Гэта будзе своеасаблівы пратэст супраць таго, што ў Беларусі няма свабодных і справядлівых выбараў, перадае Радыё Свабода.