ААН патрабуе вызваліць Алеся Бяляцкага
Зняволенне беларускага праваабаронцы прызнанае адвольным. ААН патрабуе вызваліць яго і выплаціць кампенсацыю.
Падчас 64-й сесіі Рабочая група ААН па адвольных затрыманнях (WGAD) вынесла рашэнне па справе Алеся Бяляцкага. Як паведамляе праваабарончы сайт "Вясна", затрыманне праваабаронцы прызнанае адвольным. Міжнародная арганізацыя пабачыла парушэнні артыкула 20 параграфа 1 Усеагульнай дэкларацыі правоў чалавека і артыкула 22 Міжнароднага пакта аб грамадзянскіх і палітычных правах.
WGAD лічыць, што выйсцем з сітуацыі з'яўляецца вызваленне Бяляцкага і прадастаўлення яму законнага права на кампенсацыю.
Фота — svaboda.org
