Расійскія войскі размяшчаюць дадатковыя сілы і СПА ў Беларусі
СПА Расіі / "Росабаронэкспарт"
Расійскія войскі разгортваюць дадатковыя сілы і сродкі супрацьпаветранай абароны на тэрыторыі Беларусі, паведамляе Генштаб Украіны.
Асноўныя намаганні расіяне працягваюць рабіць на Ўсходняй Украіне, адзначае амерыканскі інстытут вывучэння вайны. Іх мэта — акружыць украінскія сілы на ўсходзе і цалкам захапіць Данецкую і Луганскую вобласці.
Прасоўванне ўкраінскіх войскаў тармозіць акупацыя Запарожскай АЭС. На яе тэрыторыі расійскія войскі размясцілі артылерыю і абстрэльваюць украінцаў, знаходзячыся пад "ядзерным шчытом". Адказ ўдары немагчымыя, бо прывядуць да ядзернай катастрофы.
Актыўнасць расіян у Беларусі таксама можа адцягваць сілы УСУ.
