Прайшло анлайн-святкаванне Дня Волі
Анлайн-святкаванне Дня Волі / Bnr106.info
25 сакавіка прайшло анлайн-святкаванне Дня Волі. У ім было шмат беларускай музыкі ў жывым выкананні, гістарычных цікавостак, абмеркавання сучаснай культуры і будучыні, пра якую мы марым.
Вядоўцы мерапрыемства — Ліза Ветрава і Дзяніс Дудзінскі. На канцэрце выступілі гурты J:mors, Naviband, Šuma, Nochy, Dzieciuki і Volski.
25 сакавіка 1918-га была абвешчаная дзяржаўная незалежнасць Беларускай Народнай Рэспублікі. Беларусы ў гэты дзень упершыню на ўвесь свет заявілі: мы ёсць, у нас ёсць свая зямля і права будаваць сваю будучыню.
