Польшча, Літва і Германія стварылі следчую группу па злачынствах Лукашэнкі
Пракуратура Польшчы / PAP
Польшча, Літва і Германія стварылі следчую группу для расследавання злачынстваў рэжыму Лукашэнкі. Пра гэта паведамляе прэс-служба Народнага антыкрызіснага ўпраўлення (НАУ) са спасылкай на Нацыянальную пракуратуру Польшчы.
Справы па фактах злачынстваў супраць чалавечнасці, захопу польскага паветранага судна, гандлю людзьмі, гвалту і пагрозаў у адносінах групаў і асобных асобаў знаходзяцца на разглядзе ў аддзеле па барацьбе з арганізаванай злачыннасцю і карупцыяй Нацыянальнай пракуратуры Польшчы ў Любліне. Пра гэта кіраўніку НАУ Паўлу Латушку паведаміў упаўнаважаны па грамадзянскіх правах Польшчы Марцін Вёнцэк.
Па словах Латушкі, праца польскай пракуратуры мае важнае значэнне для непазбежнасці пакарання прадстаўнікоў рэжыму за цяжкія і асабліва цяжкія злачынствы. "Па ўсіх вышэйпаказаных справах мы таксама давалі доказы і паказанні сведак", — дадае Латушка.
Перспектывы прававога пераследу ён ацэньвае наступным чынам: "Думаю, што ў Польшчу Лукашэнка можа прыехаць хіба што ў кайданках".
