Памёр архітэктар Палаца Рэспублікі Міхаіл Пірагоў
Палац Рэспублікі ў Мінску / Еўрарадыё
Памёр вядомы беларускі архітэктар Міхаіл Пірагоў. Яму было 90 гадоў.
Пірагоў спраектаваў станцыі метро "Акадэмія навук" і "Плошча Якуба Коласа" ў Мінску, драмтэатр у Бабруйску. Таксама ён працаваў над комплексам, у якім месціцца Амбасада Украіны ў Беларусі.
Але самы вядомы і не самы адназначны яго праект — Палац Рэспублікі на Кастрычніцкай плошчы ў Мінску. Мінчукі называюць гэты будынак саркафагам, стаўленне да яго — прыкладна як да Эйфелевай вежы ў Парыжы.
Пірагова не стала 18 кастрычніка, паведамляе Саюз архітэктараў.
