Пад Мінскам невядомыя разграмілі прыпаркаваны Mercedes
У Мінскім раёне невядомыя разграмілі прыпаркаваны Mercedes. Здарэнне адбылося каля садовага таварыства "Западгор'е". Як паведамляе прэс-служба МУС, яшчэ 2 сакавіка мясцовая жыхарка распавяла праваахоўнікам пра разбіты моладзю легкавік. На здымках відаць, што ў ім адарваныя люстэркі, пашкоджаны кузаў, прабітыя колы, разбітае шкло, фары.
Высветлілася, што гаспадар аўтамабіля Mercedes, пенсіянер, яшчэ ў мінулым годзе аддаў яго знаёмаму для рамонту. Спачатку ён стаяў на тэрыторыі садовага таварыства, а пасля яго чамусьці прыпаркавалі каля ўзбочыны. Там яго і разграмілі.
Міліцыя шукае кампанію маладых людзей, якая можа мець дачыненне да здарэння.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.