“Нічога не распавядаюць”: маці Андрэя Зельцэра пакуль не даюць пахаваць сына
— Пакуль ідзе следства — нічога не распавядаюць, — кажа Еўрарадыё маці айцішніка Андрэя Зельцэра, які загінуў 29 верасня ў перастрэлцы з сілавікамі.
Жанчына не бачыла цела сына і не ведае, дзе яно цяпер і што з ім.
— У міліцыі сказалі, што потым, калі скончыцца следства, выклічуць мяне і ўсё распавядуць, — кажа яна.
— Верыце, што ваш сын мог такое запланаваць?
— Не. Я пляваць хацела на тое, што кажуць і пішуць у інтэрнэце. Меркаванні, маніі... Мне ўсё роўна, хто і што піша, разумееце? Мне абсалютна ўсё роўна. Няхай пішуць.
