На шосты дзень да экс-кандыдата ў дэпутаты Стаса Шашка пусцілі адваката

Па інфармацыі адваката, Стас цяпер адзін у камеры. Ён рэгулярна атрымліваў перадачы, заказныя лісты і лісты першым класам, якія яму адпраўлялі.

Нядопуск адваката на працягу пяці дзён праваабаронцы з "Прававой ініцыятывы" расцэньваюць як псіхалагічны ціск на арыштаваных. Яны збіраюцца змагацца з гэтай "заганнай практыкай".

Стас Шашок — актывіст Legalize Belarus і "Моладзевага блока". 26 снежня ён быў затрыманы за ўдзел у несанкцыянаваных уладамі антыінтэграцыйных пратэстах. На наступны дзень суд вырашыў пакараць яго 15-ю суткамі адміністрацыйнага арышту.