Мінскае "Дынама" вяло з лікам 2:0, але прайграла маскоўскаму "Дынама"
Хакеісты мінскага "Дынама" 9 снежня прымалі ў сябе дома "Дынама" з Масквы.
Гульня скончылася паразай гаспадароў пляцоўкі — 2:3 (2:2, 0:1, 0:0), хаця спярша яны вялі з лікам 2:0.
За першыя пяць хвілінаў сустрэчы "зубры" паспелі закінуць ў браму сапернікаў дзве шайбы. Вызначыліся Вусаў і Прынс. Аднак у тым жа першым перыядзе масквічы адквіталі абедзве шайбы. А ў другім перыядзе выйшлі наперад — 3:2. Апошняя траціна сустрэчы атрымалася безгалявой.
11 снежня мінскае "Дынама" будзе гуляць у гасцях у казанскага "АК Барса".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
