Мінск і Ерэван стануць гарадамі-пабрацімамі
Ерэван / Еўрарадыё
Мінск і Ерэван стануць гарадамі-пабрацімамі. Пагадненне будзе падпісанае падчас наведвання Мінска мэрам Ерэвана, паведамляе інфармагенцтва БелТА.
11 чэрвеня Беларусь і Арменія адзначаюць 30-гадовы юбілей устанаўлення дыпламатычных адносін. Да гэтай падзеі і прымеркаванае з'яўленне новага пабраціма ў Мінска.
Першы горад-пабрацім з'явіўся ў сталіцы Беларусі яшчэ ў 1966 годзе. Ім стаў брытанскі Нотынгем. З таго часу Мінск абзавёўся прыблізна дваццаццю пабрацімамі, сярод якіх постсавецкія Душанбэ (Таджыкістан), Кішынёў (Малдова), Бішкек (Кыргызстан), Тбілісі (Грузія).
