Лёсаванне ЧС-2018: Беларусь згуляе з Галандыяй, Францыяй, Швецыяй

25 ліпеня ў Санкт-Пецярбургу прайшло лёсаванне кваліфікацыі футбольнага чэмпіянату свету 2018 года (яго прыме Расія). Зборная Беларусі трапіла ў групу "А", яе сапернікі — Галандыя, Францыя, Швецыя, Балгарыя, Люксембург.

Галоўны трэнер беларускай зборнай Аляксандр Хацкевіч у каментары "Прессболу" адзначыў, што наша група "адна з самых магутных". "Не скажу, што я расчараваны. Так, дзесьці магло пашанцаваць больш, але маем дастаткова цікавы варыянт", — сказаў Хацкевіч. Ён не лічыць, што беларусы трапілі ў "групу смерці".

Склад іншых груп наступны:

Група "В": Партугалія, Швейцарыя, Венгрыя, Фарэрскія Астравы, Латвія, Андора.

Група "С": Нямеччына, Чэхія, Паўночная Ірландыя, Нарвегія, Азербайджан, Сан-Марына.

Група "D": Уэльс, Аўстрыя, Сербія, Ірландыя, Малдова, Грузія.

Група "E": Румынія, Данія, Польшча, Чарнагорыя, Арменія, Казахстан.

Група "F": Англія, Славакія, Шатландыя, Славенія, Літва, Мальта.

Група "G": Іспанія, Італія, Албанія, Ізраіль, Македонія, Ліхтэнштэйн.

Група "H": Бельгія, Боснія і Герцагавіна, Грэцыя, Эстонія, Кіпр.

Група "I": Харватыя, Ісландыя, Украіна, Турцыя, Фінляндыя.

Фота: ФК "Дынама-Мінск"