Лукашэнка распавёў пра свае планы да канца года
21 кастрычніка падчас нарады, прысвечанай "актуальным пытанням", Аляксандр Лукашэнка распавёў пра свае планы да канца 2020 года. У лістападзе ён плануе з урадам абмеркаваць перспектывы развіцця беларускай эканомікі і бюджэт наступнага года. У снежні Лукашэнка збіраецца абмеркаваць пытанні падрыхтоўкі да Усебеларускага народнага сходу. На ім ён хоча вызначыць "задачы развіцця нашай краіны на пяцігодку". "І там разгледзім ужо глабальныя пытанні развіцця нашай дзяржавы", — цытуе словы Аляксандра Лукашэнкі БЕЛТА.
Раней заяўлялася, што Усебеларускі народны сход можа прайсці ў пачатку 2021 года.
На нарадзе ў сераду абмяркоўваюцца пытанні эканомікі, палітыкі і грамадскай бяспекі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.