Капрамонт пуцеправода на Запарожскай плошчы ў Мінску завершаць у лістападзе

Дарожныя будаўнікі плануюць завяршыць рамонт пуцеправода паміж вуліцамі Радыяльнай і Запарожскай у пачатку лістапада. Пра гэта піша агенцтва "Минск-Новости" са спасылкай на дырэктара "Гардарбуда" Сяргея Панява. Па словах Панява, "рух па пуцеправодзе ўжо пушчаны, засталося выканаць пешаходныя сувязі і азеляненне".

Рамантаваць мост у раёне Запарожскай плошчы пачалі ў лютым. У рамках капрамонту з мадэрнізацыяй планавалася абнавіць апоры і рыгелі (гэта апорныя бэлькі, на якія абапіраюцца іншыя апорныя элементы), замяніць бэлькі і павялічыць іх колькасць у кожным з трох пралётаў, а таксама мадэрнізаваць вулічнае асвятленне.