Кантрабандныя цыгарэты везлі з Беларусі ў Латвію ў пустых вагонах
Цыгарэты з Беларусі, знойдзеныя на мяжы з Латвіяй / www.vid.gov.lv
Латвійскія мытнікі знайшлі 100 тысяч цыгарэт у пустых вагонах, якія пераганяліся з Беларусі ў Латвію. Поліэтыленавыя пакеты з 5 тысячамі пачкаў цыгарэт "НЗ", "Мінск" і "Карона" былі прымацаваныя да сценак парожніх вагонаў-хопераў.
"Знаходку" зрабілі 25 мая на пункце мытнага кантролю "Індра". На пачках былі акцызныя маркі Рэспублікі Беларусь. Мытнікі, што натуральна, угледзелі ў гэтым прыкметы крымінальнага злачынства і перадалі матэрыялы ў паліцыю.
Напярэдадні кантрабандныя беларускія цыгарэты знайшліся таксама на расійска-латвійскай граніцы.
