Каментар Ryanair: Аб пагрозе мініравання экіпаж даведаўся ад дыспетчара з Мінска
Траекторыя палёту борта Ryanair, пасаджанага ў Мінску
Пра пагрозу мініравання на борце Ryanair экіпажу паведамілі дыспетчары з Беларусі. Яны ж далі ўказанне перанакіраваць самалёт у аэрапорт Мінска. Пра гэта са спасылкай на прадстаўнікоў авіякампаніі піша "Новая газета".
Пасля гэтага самалёт змяніў курс і падаў сігнал бедства 7700. А Мінабароны Беларусі падняло ў паветра знішчальнік МіГ-29, каб суправадзіць яго да Нацыянальнага аэрапорта "Мінск".
Калі самалёт сеў у Мінску, пасажыраў адправілі на дадатковы кантроль. У выніку быў затрыманы Раман Пратасевіч, удзельнік каманды Святланы Ціханоўскі.
Версію пра тое, што на борце самалёта не было надзвычайнай сітуацыі, ускосна пацвярджаюць яго пасажыры, апытаныя парталам Delfi: "Канфліктаў не было, перад гэтымі паваротамі самалёта не было скандалаў, ніхто ні з кім не спрачаўся. Толькі калі хлопец [Раман Пратасевіч. — Еўрарадыё] даведаўся, што мы ідзем на пасадку, ён занепакоіўся".
