ФСБ абвінаваціла ў дыверсіях чалавека, які загінуў пад расійскімі бамбёжкамі

У размове з BBC Чуянкоў заявіў, што ніякіх дыверсій у Валгаградскай вобласці ён не ўчыняў, а сам цяпер жыве ў Кіеве.

— Мне пачалі дасылаць нейкія спасылкі [на публікацыі з прэс-рэлізам ФСБ], — расказаў Чуянкоў. — Слова "здзівіўся" тут не вельмі пасуе. Я стараюся не ўступаць у канфрантацыю з Расійскай Федэрацыяй, таму што ў мяне і так стае з ёй праблем, і калі мне пачалі дасылаць гэтыя навіны, я трохі афігеў.

Спачатку яго прозвішча не фігуравала, толькі фатаграфіі, потым яно стала з'яўляцца ўсё часцей, апублікаваныя сталіся і звесткі яго сям'і. Сам ён у кастрычніку 2020-га ўцёк ва Украіну з Расіі праз Беларусь, там папрасіў палітычнага прыстанішча. Кажа, што пасля таго, як у Расіі "закатавалі" яго таварыша Марцінкевіча.

Акрамя таго, па словах Чуянкова, ён не прымаў удзелу ў баявых дзеяннях у складзе ні батальёна "Ураган" (які яму прыпісвае ФСБ), ні любога іншага падраздзялення. У яго ёсць знаёмыя сярод і ветэранаў антытэрарыстычнай аперацыі (АТА), і "Азова", але як са структурай ён з імі не меў зносін. Пасля пачатку вайны мужчына прайшоў курсы тактычнай медыцыны.
 

Другі — загінуў у Марыупалі

— Асобная нейкая хохма, — сказаў Чуянкоў, адказваючы на пытанне, адкуль у прэс-рэлізе ФСБ магло з'явіцца прозвішча Іонава, якога спецслужба назвала яго саўдзельнікам.