Федэрацыя футбола паказала новы Кубак Беларусі
Федэрацыя футбола паказала новы Кубак Беларусі. Яго вырабілі па матывах трафея, які ўручалі пераможцам Кубка БССР да 1991-га, а пасля Кубка РБ да 2003 года. Аўтар — скульптар Антон Іназемцаў.
Кубак важыць 8 кг, яго вышыня — 65 см. Федэрацыя падкрэслівае, што ён будзе пераходзячым.
У фінале Кубка Беларусі сустрэнуцца БАТЭ і "Гомель". Ён пройдзе 21 траўня на мінскім стадыёне "Дынама", пачатак а 19-й гадзіне.
Барысаўчане з'яўляюцца дзейнымі ўладальнікамі трафея.
