Еўрасаюз: прысуд Навальнаму ставіць пад сумнеў вяршэнства права ў Расіі
Вярхоўны прадстаўнік ЕС па замежных справах і палітыцы бяспекі Кэтрын Эштан выступіла 18 ліпеня з заявай з нагоды прысуда, агучанага ў Кіраве.
“Абвінавачванні супраць іх [Навальнага і Афіцэрава. — Еўрарадыё] не былі абгрунтаваныя ў ходзе судовага разбіральніцтва, — сцвярджае Кэтрын Эштан. — Грамадзянская супольнасць грае жыццёва важную ролю ў выкрыцці парушэнняў і абароне правоў чалавека, і яна не павiнна быць задушана. <…> Прысуд, вынесены з улікам працэдурных недахопаў, падымае сур'ёзныя пытанні адносна вяршэнства права ў Расіі”.
Нагадаем, 18 ліпеня Аляксея Навальнага і Пятра Афіцэрава прызналі вінаватымі па “Справе “Кіраўлеса” і прысудзілі да 5 і 4 гадоў калоніі адпаведна.
На фота: Аляксея Навальнага закоўваюць у кайданкі ў зале суда.
Фота: РАПСИ.
