ЦВК паведаміў, колькі грошай на выбарчым рахунку Лукашэнкі

Аляксандр Лукашэнка мае самы вялікі выбарчы рахунак. Як паведамляе Цэнтрвыбаркам, па стане на 22 ліпеня на рахунак кіраўніка Беларусі паступіла 237 994,84 рубля. Прычым на выбарчую кампанію было выдаткавана толькі 1 354,04 рубля. 

Другое месца займае Святлана Ціханоўская: на яе рахунак залічана 51 777,45 рубля, і ўжо 5 893,86 рубля выдаткавана на кампанію. 

На рахунак экс-дэпутаткі Ганны Канапацкай прыйшло 4 006 рублёў, і 3 044 было патрачана. 

Сяргей Чэрачэнь меў на рахунку 2 600 рублёў, але 2 501,58 ужо выдаткаваў на сваю агітацыю. 

Найменшыя паступленні на рахунак — у Андрэя Дзмітрыева: прыйшло 2 562 рублі, сышло 915,1 рубля. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.