Бясконцыя руіны. Полк "Азоў" апублікаваў новыя фота Марыупаля
Мёртвы горад Марыупаль
Полк "Азоў" апублікаваў новыя фота Марыупаля. На здымках, зробленых з дрона, — бясконцыя руіны. Разбураныя не толькі інфраструктурныя аб'екты, але і жылыя дзевяціпавярховікі. Ды ўвогуле ўсё.
"Кажуць: Хрыстос уваскрос — уваскрэсне і Украіна. Бог бачыць Марыупаль зверху. Няўжо яму не дастаткова такіх разбурэнняў?", — каментуюць фатаграфіі ў тэлеграм-канале палка.
Тым часам, нягледзячы на Вялікдзень і агучанае Пуціным рашэнне не штурмаваць "Азоўсталь", у горадзе працягваюцца баявыя дзеянні. Па звестках дарадцы кіраўніка Офіса прэзідэнта Украіны Міхаіла Падаляка, завод, дзе знаходзяцца і вайскоўцы, і цывільныя, "засыпаюць цяжкімі авіябомбамі, абстрэльваюць артылерыяй і інтэнсіўна канцэнтруюць сілы і тэхніку для штурму".
Марыупаль пасля абстрэлаў
Бязлюдны знішчаны горад Марыупаль
