Беларускім памежнікам на вялікім экране паказалі фільм пра напад на Украіну
Украінскі і беларускі сцягі на мяжы / Кадр з фільма
На некаторых памежных пераходах на беларуска-ўкраінскай мяжы працягваецца "ідэалагічнае супрацьстаянне". Украінскія байцы дэманстратыўна вывешвалі бел-чырвона-белыя сцягі. Пасля ішла "вайна банераў": украінцы нагадвалі беларусам пра расійскую акупацыю, а прапаганда РБ адказвала выдумкай пра "амерыканскіх акупантаў" ва Украіне. Цяпер жа на адным з былых памежных пунктаў пропуску ў Жытомірскай вобласці беларускім памежнікам на вялікім экране паказалі фільм пра напад на Украіну. У ім расказалі пра ракетныя ўдары з тэрыторыі Беларусі і пра ахвяры сярод мірнага насельніцтва.
