Апошняе прыжыццёвае фота Аляксандра Тарайкоўскага

Крымінальная справа па факце смерці Аляксандра Тарайкоўскага дагэтуль не пачатая. Паводле афіцыйнай версіі МУС, мужчына загінуў ад выбуху неўстаноўленага выбуховага прыстасавання, якое трымаў у руках. Аднак пасля з'явілася некалькі відэа, на якіх відаць, што ў руках Аляксандра Тарайкоўскага нічога не было. А значыць ён не ўяўляў пагрозы для байцоў аднаго з спецпадраздзяленняў. А ў яго ўсё роўна стрэлілі.

Затое 8 снежня былі агучаныя першыя прысуды за надпіс "Не забудзем!" на месцы гібелі Тарайкоўскага — два гады калоніі і паўтара гады "хатняй хіміі".