Amnesty International "шкадуе" праз рэакцыю на даклад па Украіне
Наступствы расійскіх абстрэлаў у Ахтырцы / Reuters
Amnesty International зрабіла заяву аб скандальным дакладзе, дзе арганізацыя абвінавачвае ўкраінскіх вайскоўцаў у тым, што яны падвяргаюць рызыцы мірнае насельніцтва краіны.
"Amnesty International глыбока шкадуе аб болю і гневе, якія выклікаў наш даклад аб тактыцы вядзення баявых дзеянняў украінскімі вайскоўцамі", — гаворыцца ў лісце арганізацыі, якое яна накіравала Reuters.
Мэтай дакладу AI назвала "забеспячэнне абароны грамадзянскіх асоб". У арганізацыі падкрэслілі, што не ўскладаюць на Украіну адказнасць за "парушэнні, учыненыя расійскімі войскамі".
Даклад AI выклікаў крытыку не толькі ў Украіне, але і ў іншых краінах. Так, брытанская Times заявіла, што арганізацыя паўтарае тэзісы пуцінскай прапаганды.
