Ахоўную кампанію "Гардсэрвіс" узначаліў целаахоўнік Лукашэнкі
Юрый Альшэўскі / Бюро
Целаахоўнік Лукашэнкі стаў кіраўніком ахоўнай кампаніі "Гардсэрвіс" — структуры, звязанай з Віктарам Шэйманам, піша "Бюро".
Юрый Альшэўскі ўжо 20 гадоў ахоўвае Лукашэнку. Фірма "Гардсэрвіс", якую ён узначаліў, — першая і адзіная, якая мае спецдазвол набываць, захоўваць і перадаваць супрацоўнікам як цывільную, так і баявую зброю.
Гэта ўжо трэці дырэктар "Гардсэрвіса": раней ёй кіравалі Яўген Чанаў і Уладзімір Арэх.
Менавіта праз асобу Чанава выданню Еўрарадыё ўдалося выявіць сувязь паміж "Гардсэрвісам", кіраўніцтвам спраў Лукашэнкі і найбліжэйшым ягоным паплечнікам Віктарам Шэйманам.
