15-гадовы сын Кадырава атрымаў званне героя
Адам Дэлімханаў і Адам Кадыраў / Telegram
15-гадовы сын Рамзана Кадырава Адам атрымаў званне "героя Чачні". Пра гэта паведаміў дэпутат Дзярждумы РФ Адам Дэлімханаў. Ён назваў Адама Кадырава "яркім прыкладам выключна пісьменнага, усебакова адукаванага і мэтанакіраванага маладога чалавека", які "з самых юных гадоў выяўляў лідарскія і арганізатарскія якасці, заўсёды імкнуўся да ўласнага развіцця і ніколі не марнаваў час дарма". Згадаў і яго "спартыўныя перамогі" ў змешаных адзінаборствах.
Сын Кадырава збіў у СІЗА 19-гадовага фігуранта справы аб спаленні Карана Мікіту Журавеля. Відэа гэтага злачынства з'явілася ў інтэрнэце. Паліцыя адмовілася распачынаць крымінальную справу.
Тым часам дачка Кадырава стала не толькі віцэ-прэм'ерам, але і "народнай артысткай".
