14 траўня ў Беларусі чакаюцца замаразкі ўначы і да +14 удзень
14 траўня ў Беларусі чакаецца воблачнае з праясненнямі надвор'е, паведамляе Белгідрамет.
Уначы месцамі, а зранку і ўдзень пераважна па поўдні краіны пройдуць кароткачасовыя дажджы, уначы па поўначы Беларусі магчымы мокры снег. Вецер будзе паўднёва-заходні, днём з пераходам на паўночны ўмераны.
Уначы на большай частцы тэрыторыі краіны чакаюцца замаразкі ад 0 да -4. Месцамі, пераважна па паўднёвым усходзе, тэрмометры пакажуць 1-7 цяпла. Удзень паветра прагрэецца да +8...+14.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
