11 чэрвеня ў Беларусі будзе да +27 і кароткачасовыя дажджы з навальніцамі
У пятніцу, 11 чэрвеня, у Беларусі чакаецца пераменная воблачнасць, паведамляе Белгідрамет.
Уначы месцамі, а ўдзень на большай частцы тэрыторыі краіны пройдуць кароткачасовыя дажджы, у асобных раёнах прагрымяць навальніцы. Удзень пры навальніцах месцамі чакаюцца моцныя дажджы, магчымы град. Вецер будзе паўночны ўмераны, пры навальніцах парывісты, удзень месцамі моцны парывісты.
Тэрмометры ўначы пакажуць 10-16 цяпла, удзень будзе +21...+27.
