1 студзеня ў Беларусі будзе снегапад і моцны вецер
Паводле прагнозаў сіноптыкаў Рэспубліканскага гідраметцэнтру, у навагоднюю ноч у краіне будзе ісці снег, а тэмпература паветра складзе мінус 3-10 градусаў.
На ўсходзе пры праясненнях да мінус 15 градусаў.
1 студзеня актыўны атлантычны цыклон рэзка пагоршыць надвор’е. Раніцай і ўдзень будзе ісці снег, на поўначы чакаюцца моцныя снегапады, завеі, на дарогах снежныя заносы. Узмацніцца вецер, яго парывы будуць сягаць 15-20 метраў за секунду. Пры гэтым тэмпература паветра будзе вагацца ад 7 градусаў марозу па паўночным усходзе да нуля — плюс 2 градусы на паўднёвым захадзе краіны.
У Мінску ў навагоднюю ноч прагназуюць 7-9 градусаў марозу, часам снег. Раніцай і ўдзень прагназуецца каля 2 градусаў ніжэй нуля, паведамляе БЕЛТА.