Зорны дождж над Беларуссю (фота)
Магутны метэарытны паток Персеіды дасягнуў свайго максімуму ўначы 12 жніўня.
Еўрарадыё сфатаграфавала метэорную плынь Персеідаў над Крэвам. Зорны дождж можна пабачыць над замкам XIII-XIV ст., царквой святога Аляксандра Неўскага (1854 г.), касцёлам Прэабражэння Гасподняга.
Персеіды — адзін з наймагутнейшых і найбольш вядомых патокаў, які ўзнікае, калі Зямля ўваходзіць у пылавы след каметы Свіфта-Туля. Метэоры гэтай плыні можна назіраць з 17 чэрвеня па 24 жніўня.
