Зміцер Дашкевіч асуджаны на 3 сутак арышту
Зміцер Дашкевіч асуджаны на 3 сутак арышту, інфармуе Радыё Свабода. Лідара нядаўняй абароны Курапатаў пакаралі за "парушэнні парадку арганізацыі і правядзення масавых мерапрыемстваў". Як паведамляла Еўрарадыё, Дашкевіча схапілі раніцай 10 сакавіка на вуліцы Чарнышэўскага. Гэта адбылося практычна ў жывым эфіры, паколькі ён прадбачыў затрыманне і вёў трансляцыю сваіх перамяшчэнняў па горадзе.
Працэс у Савецкім судзе працягваўся да позняга вечара.
