Забойцы Ленана чарговы раз адмовілі ў вызваленні
Забойца Джона Ленана (John Lennon) застанецца за кратамі яшчэ на два гады. Суд адмовіў Марку Дэвіду Чэпмэну (Mark David Chapman) у яго шостым
хадайніцтве аб датэрміновым вызваленні. Наступны раз падаць прашэнне
Чэпмэн здолее ў жніўні 2012 года.
Удзельнікі камісіі па ўмоўна-датэрміновым вызваленні назвалі ў якасці прычыны адмовы «непавагу да нормаў сучаснага грамадства і да святыні чалавечага жыцця», якое ён прадэманстраваў падчас старанна спланаванага забойства Ленана.
«Гэта быў наўмысны, бяздушны і эгаістычны ўчынак з трагічнымі наступствамі, і гэты факт прывёў нас да думкі, што ваша датэрміновае вызваленне застаецца недарэчным на сённяшні дзень, і не прынясе выгады грамадству», - гаворыцца ў заяве камісіі.
Марк Дэвід Чэпмэн застрэліў Джона Ленана ў 1980 годзе каля яго дома ў Нью-Ёрку. Падчас экспертызы ён быў прызнаны псіхічна нездаровым і ў выніку быў асуджаны на пажыццёвы тэрмін.
Удава Ленана Ёка Она заўсёды выступала катэгарычна супраць задавальнення прашэнняў Чэпмэна пра датэрміновае вызваленне.
Фота: guardian.co.uk
Удзельнікі камісіі па ўмоўна-датэрміновым вызваленні назвалі ў якасці прычыны адмовы «непавагу да нормаў сучаснага грамадства і да святыні чалавечага жыцця», якое ён прадэманстраваў падчас старанна спланаванага забойства Ленана.
«Гэта быў наўмысны, бяздушны і эгаістычны ўчынак з трагічнымі наступствамі, і гэты факт прывёў нас да думкі, што ваша датэрміновае вызваленне застаецца недарэчным на сённяшні дзень, і не прынясе выгады грамадству», - гаворыцца ў заяве камісіі.
Марк Дэвід Чэпмэн застрэліў Джона Ленана ў 1980 годзе каля яго дома ў Нью-Ёрку. Падчас экспертызы ён быў прызнаны псіхічна нездаровым і ў выніку быў асуджаны на пажыццёвы тэрмін.
Удава Ленана Ёка Она заўсёды выступала катэгарычна супраць задавальнення прашэнняў Чэпмэна пра датэрміновае вызваленне.
Фота: guardian.co.uk
