За кратамі адвакат Максім Знак паспеў прачытаць 314 кніжак
За час, праведзены за кратамі, адвакат Максім Знак паспеў прачытаць 314 кніжак, піша пазбаўлены рэгістрацыі ў Беларусі праваахоўны цэнтр “Вясна”. Калі ўвесь тэрмін, што ён правеў у турме падзяліць на іх колькасць, атрымаецца прыкладна па адной кніжке на паўтара дня.
Што чытае палітвязень?
"Атлант расправіў плечы" Айн Рэнд;
"Алхімік" Паўла Каэльё;
"Права на востраў" Васіля Аксёнава;
"Фрэні і Зуі" Джэрама Д. Сэлінджэра;
"Вось ідзе чалавек" Аляксандра Гранаха;
"Чароўная гара" Томаса Мана;
"Трымай марку!" Тэры Пратчэта;
"Медэя і яе дзеці" Людмілы Уліцкай;
"Фаўст" Іагана В. Гётэ;
"Цяжка быць богам" братоў Стругацкіх
Можна падзяліцца з Максімам сваімі ўражаннямі ад прачытаных кніг. Пісаць яму трэба сюды: СІЗА-1, 220030, г. Мінск, вул. Валадарскага, 2, Максіму Аляксандравічу Знаку.
24 снежня Вярхоўны суд пакінуў у сіле прысуд палітняволеным Максіму Знаку і Марыі Калеснікавай. У верасні асудзілі да 10 і 11 гадоў калоніі адпаведна.
