Валанцёры згортваюць намёты каля Акрэсціна
Каля ізалятара ў завулку Акрэсціна валанцёры сталі згортваць намётавае мястэчка, якое працавала там некалькі дзён. У намётах вызваленыя вязні атрымлівалі дапамогу медыкаў і адвакатаў.
Па словах валанцёраў, робіцца гэта па патрабаванні адміністрацыі ІЧУ, якая заявіла ім: “Вы псуяце зялёныя насаджэнні”.
Пазней валанцёры ўдакладнілі, што цалкам мястэчка не прыбіраюць, а папрасілі скараціць колькасць валанцёраў, мэблі, абсталявання.
Некалькі дзён таму валанцёры не дапусцілі да сцен ізалятара калону пратэстоўцаў, бо з'явіліся звесткі, што палітычных вязняў Акрэсціна ў такія моманты пачынаюць мацней біць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
