Вагнераўцаў прывезлі да беларускіх дзяцей у ваенна-патрыятычны клуб
Вагнераўцы ў дзіцячым клубе / скрыншот з відэа
Наймітаў з ПВК "Вагнер" прывезлі да дзяцей у беларускі "ваенна-патрыятычны клуб "Рысь". Відэа, на якім найміты размаўляюць з дзецьмі, апублікавала супрацоўніца дзяржаўнага тэлебачання Ксенія Лебедзева.
На відэа дзеці ў камуфляжы і зялёных берэтах. Найміты вучылі іх паказваць жэст, калі вялікі палец і мезенец паднятыя ўгару.
Дзіцячы ваенна-патрыятычны клуб "Рысь" дзейнічае на базе вайсковай часці 3214 унутраных войскаў МУС. Яго стварылі ў кастрычніку 2021 года. Па звестках "Звязды", удзельнікамі клуба з'яўляюцца 160 дзяцей. Усяго ва ўнутраных войсках Міністэрства ўнутраных спраў дзейнічае 17 ваенна-патрыятычных клубаў.
