У затрыманых прэвентыўна забралі дакументы, камп'ютары і грошы
Калі актывісты вярнуліся ў кватэру, дзе іх затрымалі, то ўбачылі, што няма ніводнага наўтбука, пашпартоў, студэнцкіх квіткоў, грошай і нават заліковак.
Пра гэта паведаміў газеце "Народная воля" моладзевы актывіст Сяргей Гумінскі. Яго і таварышаў – студэнтаў замежных ВНУ, якія прыехалі дахаты, у Мінск, каб удзельнічаць у акцыі ў Дзень Волі, арыштавалі прэвентыўна прама ў кватэры.
У грамадзяніна Польшчы, які быў разам са студэнтамі, людзі ў цывільным, якія звалі сябе супрацоўнікамі крымінальнага вышуку, забралі нататнік.
